సంకష్టహర సిద్ధి వినాయక | సర్వేశ్వరి తనయ గణనాయక

సంకష్టహర సిద్ధి వినాయక ।
సర్వేశ్వరి తనయ । గణనాయక ।
నీరాజనమిదె లంబోధరా ।
వరముల నందించి నను బ్రోవరా ।

సంకష్టహర సిద్ధి వినాయక ।
సర్వేశ్వరి తనయ । గణనాయక ।

ఏడాది పాటు నియమాలు గూడి
వేడుకగ నీ దీక్ష చేయంగ బూనాను
పంచామృతాల అభిషేకమే చేసి 
పలువిరులతో నిన్ను సేవింతునయ్యా ।

సంకష్టహర సిద్ధి వినాయక ।
సర్వేశ్వరి తనయ । గణనాయక ।

దూర్వాల మాలనే కంఠాన వేసి
సాంబ్రాణి వెలిగించి సంతృప్తి నొంది
మోదకాలు, పాయసము భక్తితో చెల్లించి 
మదిమార నీ భజన నే చేతునయ్యా ।

సంకష్టహర సిద్ధి వినాయక ।
సర్వేశ్వరి తనయ । గణనాయక ।

నీ మందహాసము కొండంత ధైర్యము
కలిగించునయ్యా । కరిరాజ వదనా ।
ప్రతికార్యమందును విఘ్నాలు లేకుండా 
విజయాలు సతతము నందించవయ్యా ।

సంకష్టహర సిద్ధి వినాయక ।
సర్వేశ్వరి తనయ । గణనాయక ।